Shruti Restaurant Bar

Best in Taste. रत्नदीप हॉटेल आकुर्डी आणि श्रुती रेस्टॉरंट एकाच परिसरात असून आम्ही सात जण प्रति बालाजी दर्शन घेऊन श्रुती रेस्टॉरंट मध्ये पोहचलो तेंव्हा सुमारे दहा सव्वादहा वाजले असावेत. त्यामुळे बरेचसे ग्राहक हॉटेलचा आनंद लुटून परतले होते. तरीही वर्दळ कमी झाली नव्हती. आम्ही स्टार्टर म्हणून कोरियांडर लेमन सूप आणि पनीरचा एक पदार्थ मागवला. दोन्ही पदार्थ खरोखर खूप छान आहे. गरमागरम सूप तर आले तेंव्हा छानसा सुवास दरवळत होता. जेवणात देखील मौज वाटली. एरव्ही चवीला गोड वाटणाऱ्या भाजीला कुणी खवय्ये हात लावत नाहीत, पण येथील मलाई कोफ्ता चवीला गोडसर तिखट असूनदेखील आम्हा सात जणांपैकी सर्वांनीच तो संपवला. जोडीला अन्य काही भाज्या, भात, तंदुरी रोटी, रायता, लोणची, सलाड सारे काही आलबेल होते. नंतर लागूनच असलेल्या पानपट्टीवर मिळालेलं पानदेखील उत्तम होतं.